Թուրքիայում դժգոհ են Թրամփի նշանակումից. ԱՄՆ հետախուզության նոր պետն աջակցել է ցեղասպանության ճանաչմանը

ԱՄՆ Սենատը 52 կողմ, 48 դեմ ձայնով հաստատել է նախկին դեմոկրատ կոնգրեսական Թուլսի Գաբարդին Ազգային հետախուզության ղեկավարի պաշտոնում։

Այդ պաշտոնում Գաբարդի թեկնածությանը դեմ են քվեարկել բոլոր դեմոկրատները և անկախ թեկնածուները, ինչպես նաև մեկ հանրապետական՝ սենատոր Միչ ՄաքՔոնելը, որը Սենատում հանրապետականների նախկին ղեկավարն է։ Մնացած հանրապետականները կողմ են քվեարկել։ 

Թուլսի Գաբարդը ծնվել է 1981 թվականին։ Նա մեծացել է Հավայի նահանգում։ Ծառայել է ԱՄՆ Ազգային գվարդիայում և Իրաքի պատերազմի վետերան է: Նրան շնորհվել է փոխգնդապետի կոչում։

2020 թվականին Գաբարդը մասնակցել է ԱՄՆ Դեմոկրատական ​​կուսակցության նախագահական փրայմերիզներին։ Ընտրապայքարից դուրս գալուց հետո նա պաշտպանել է դեմոկրատ թեկնածու Ջո Բայդենին։ 2022 թվականին նա հեռացել է Դեմոկրատական ​​կուսակցությունից։ 2024 թվականի նախագահական ընտրությունների ժամանակ նա ակտիվորեն աջակցել է հանրապետական Դոնալդ Թրամփին։

Թուրքական մամուլի փոխանցմամբ, 2019 թվականին Գաբարդն ԱՄՆ մի քանի այլ սենատորների և Ներկայացուցիչների պալատի հետ համատեղ աջակցել է Հայոց ցեղասպանության ճանաչման բանաձևին՝ հաստատելու ԱՄՆ-ի կողմից Հայոց ցեղասպանության պաշտոնական ճանաչումը և մշտական ​​հիշատակումը:   Նա նաև բազմիցս խոսել է  Օսմանյան կայսրությունում ասորիների և հույների ցեղասպանության մասին և հայտնել: Նրա խոսքերով, Թուրքիան աջակցություն է ցուցաբերել մի շարք ահաբեկչական կառույցներին: