Թուրքիայում բնակվող Աբխազիայի քաղաքացիներին հնարավորություն չի տրվի մասնակցել իրենց երկրում կայանալիք նախագահական ընտրություններում:
Պատճառը եղել է Թուրքիայի Սաքարյա նահանգում ընտրությունների քվեարկությանը մասնակցություն ապահովելու նպատակով բացված ընտրական կենտրոնի նկատմամբ թուրքական կողմի արձագանքը:
Մասնավորապես արձագանքել են Թուրքիայի մի շարք պաշտոնյաներ, ինչպես նաև, թուրքական մամուլում տեղ գտած լուրերի համաձայն, միջամտել է ոստիկանությունը:
Արդյունքում Աբխազիայի հանրապետության կենտրոնական ընտրական հանձնաժողովը որոշում է կայացրել փակել Սաքարյայում բացված ընտրատեղամասը:
Նշենք, որ ընտրություններն Աբխազիայում տեղի են ունենալու փետրվարի 15-ին:
Հետևեք մեզ տելեգրամում
