Իրանի միջուկային ծրագրի հետ կապված հարցերը պետք է լուծվեն բանակցությունների միջոցով։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Մենք համոզված ենք, որ եթե բանակցային գործընթացի բոլոր մասնակիցների կողմից լինի քաղաքական կամք, ապա Իրանի միջուկային ծրագրի հարցը կարող է և պետք է լուծվի դիվանագիտական ճանապարհով»,-ասել է Պեսկովը IRNA գործակալությանը տված հարցազրույցի ժամանակ։
«Մոսկվան պատրաստ է աջակցել Թեհրանին՝ իրանական միջուկային ծրագրի հետ կապված խնդիրների լուծման հարցում։ Մոսկվան մեծ նշանակություն է տալիս Իրանի հետ լավ հարաբերություններին և մտադիր է դրանք համակողմանի զարգացնել՝ ներառյալ օգնություն ցուցաբերելով ամենակարևոր խնդիրների լուծմանը, այդ թվում՝ միջուկային ծրագրին»,-ընդգծել է Պեսկովը։
Ինչպես նշել է ՌԴ նախագահի մամուլի քարտուղարը, ՌԴ և ԱՄՆ նախագահներ Վլադիմիր Պուտինն ու Դոնալդ Թրամփը հեռախոսազրույցի ընթացքում քննարկել են իրանական միջուկային ծրագիրը, սակայն դա չի եղել քննարկման հիմնական թեման։ Հիմնական շեշտը դրվել է ռուս-ամերիկյան հարաբերությունների վերականգնման վրա։
Հետևեք մեզ տելեգրամում
