Վրաստանի նախկին նախագահի վրա ձվեր են նետել (տեսանյութ)

Վրաստանի նախկին նախագահ Սալոմե Զուրաբիշվիլիի վրա Թբիլիսիի օդանավակայանում ձվեր են նետել։ Այս մասին հայտնում է վրացական ընդդիմադիր TV Pirveli-ին։

Նշվում է, որ տեղում ծառայություն իրականացնող ոստիկանները ոչ մի կերպ չեն արձագանքել միջադեպին։ Սալոմե Զուրաբիշվիլին միջադեպը չի մեկնաբանել, ՆԳՆ-ն նոււյնպես դեռևս հաղորդագրություն չի տարածել։

Նշենք, որ նախօրեին օդանավակայանում անհայտ խումբը նույն կերպ դիմավորել էր նախկին վարչապետ Գիորգի Գախարիային։ Ոստիկանությունը դարձյալ չէր արձագանքել։ Գախարիան և Զուրաբիշվիլին վերադառնում էին Մյունխենի անվտանգության համաժողովից։