Իսլամական Ռամադան տոնի շրջանակներում մարտի 25-ին Եգիպտոսում ՀՀ դեսպանությունում կազմակերպվել է պաշտոնական ընթրիք՝ եգիպտական զանգվածային լրատվամիջոցների ներկայացուցիչների մասնակցությամբ: Տեղեկությունը հայտնում է Եգիպտոսում ՀՀ դեսպանությունը:
Ընդունելությանը մասնակցել են եգիպտական «Ալ-Ահրամ», «Ալ-Շուրուկ», «Ալյոմ Ալսաբի», «Ալմասրի Ալյոմ», «Ալ-Վատան», «Ալ-Ջումհուրիյա», «Ալ-Վետո», «Ալ-Ախբար», «Սաբահ ալ-Խեյր», «Ալ-Մուբթադա», «Ալ-Ղադ» և այլ պարբերականների գլխավոր խմբագիրներ, անկախ լրագրողներ և հասարակական-քաղաքական գործիչներ:
Բացման խոսքում Եգիպտոսում ՀՀ դեսպան Արմեն Սարգսյանը շնորհակալություն է հայտնել ներկաներին՝ հրավերն ընդունելու կապակցությամբ և հույս հայտնել, որ «Դեսպանություն-եգիպտական ԶԼՄ-ներ» ձևաչափով համագործակցությունը նոր թափ կհաղորդի հայ-եգիպտական երկկողմ հարաբերությունների հետագա ընդլայնմանն ու խորացմանը:
Հետևեք մեզ տելեգրամում
