Իրանը ցանկանում է Օմանում ԱՄՆ-ի հետ բանակցությունների ժամանակ քննարկել ժամանակավոր միջուկային համաձայնագրի հարցը։ Այս մասին հայտնում է Axios կայքը։
Պորտալի զրուցակիցը նշել է, որ Թեհրանը ցանկանում է Վաշինգտոնին առաջարկել աշխատել ժամանակավոր միջուկային համաձայնագրի վրա՝ նախքան համապարփակ գործարքի շուրջ բանակցությունները շարունակելը։ Բացի այդ, իրանցիներն անիրատեսական են համարում ԱՄՆ նախագահ Դոնալդ Թրամփի սահմանած երկու ամսում միջուկային բարդ և բարձր տեխնիկական համաձայնության հասնելը և ցանկանում են ավելի շատ ժամանակ շահել՝ էսկալացիայից խուսափելու համար։
ԱՄՆ-ի և Իրանի միջև ժամանակավոր համաձայնագիրը կարող է ներառել Թեհրանի ուրանի հարստացման որոշ աշխատանքների դադարեցում, 60% հարստացված ուրանի պաշարների կրճատում և ՄԱԿ-ի տեսուչներին ավելի շատ մուտք դեպի երկրի միջուկային օբյեկտներ, նշում են աղբյուրները: Բացի այդ, միջանկյալ համաձայնագիրը կարող է ներառել «անհապաղ վերադարձի» մեխանիզմի երկարաձգում, որը 2015 թվականի միջուկային գործարքի մաս էր կազմում:
Axios-ի աղբյուրները ենթադրում են, որ միջանկյալ համաձայնագիրը, հավանաբար, կներառի նաև Իրանի պահանջը, որ Թրամփը դադարեցնի իրանական տնտեսության վրա իր «առավելագույն ճնշման» արշավը:
Հետևեք մեզ տելեգրամում
