Փարիզում հանդիպել են Սիրիայի ԱԳ նախարարն ու իսրայելական պատվիրակությունը

Սիրիայի արտաքին գործերի նախարար Ասադ ալ-Շայբանին օգոստոսի 19-ին Փարիզում հանդիպել է իսրայելական պատվիրակության հետ՝ տարածաշրջանում և Սիրիայի հարավում կայունության ամրապնդման հարցերը քննարկելու համար: Այս մասին հաղորդում է սիրիական պետական SANA լրատվական գործակալությունը։

Այս քննարկումները միջնորդում է Միացյալ Նահանգները՝ Սիրիայում անվտանգության և կայունության ամրապնդման ու տարածքային ամբողջականության պահպանմանն ուղղված դիվանագիտական ջանքերի շրջանակներում։