Երուսաղեմը պատկանում է և միշտ պատկանելու է Իսրայելին։ Այս մասին հայտարարել է Իսրայելի վարչապետ Բենիամին Նեթանյահուն:
Իսրայելի վարչապետի խոսքերն ուղղված են Թուրքիայի առաջնորդ Ռեջեփ Թայիփ Էրդողանին, ով նախօրեին ասել էր, որ Երուսաղեմը պատկանում է Թուրքիային՝ Օսմանյան կայսրության կազմում գտնվելու իր անցյալի պատճառով։
«Սա մեր քաղաքն է, պարոն Էրդողան։ Սա ձեր քաղաքը չէ, սա մեր քաղաքն է։ Սա միշտ մեր քաղաքը կլինի։ Այն այլևս բաժանված չի լինի», – ասել է Նեթանյահուն։
Ավելի վաղ Թուրքիայի նախագահ Ռեջեփ Թայիփ Էրդողանը Իսրայելի վարչապետ Բենիամին Նեթանյահուին համեմատել էր Ադոլֆ Հիտլերի հետ՝ Գազայի հատվածում իրականացվող գործողությունների պատճառով, հաղորդում է Anadolu լրատվական գործակալությունը։
«ՄԱԿ-ի կանոնադրությունը հռչակում է պետությունների տարածքային ամբողջականությունը, նրանց ինքնիշխան հավասարությունը և սահմանների բռնի փոփոխությունների անթույլատրելիությունը: Հետևաբար, «ավետյաց երկրի» հայեցակարգի հիման վրա ստեղծված սցենարները իրավաբանորեն անվավեր են և զուրկ են լեգիտիմությունից: Այս առումով Նեթանյահուն գաղափարախոսորեն գրեթե նման է Հիտլերին»,- ասել էր Էրդողանը։
Հետևեք մեզ տելեգրամում
