Ֆուտբոլային պարտությունից հետո Ղավելաշվիլին թիմին քաջալերել է երեքհազարամյա երկրի մասին խոսքերով

Վրաստանի նախագահ Միխեիլ Ղավելաշվիլին 2026 թվականի աշխարհի առաջնության ընտրական խաղում Թուրքիայից կրած 1-4 հաշվով ջախջախիչ պարտությունից հետո դիմել է ազգային հավաքականի խաղացողներին՝ կոչ անելով նրանց չհանձնվել և հիշել վրացական պետության երեքհազարամյա պատմությունը։

«Պարտությունից հետո կարևոր է միավորվել, ցույց տալ ամբողջ ազգին, որին ներկայացնում եք, որ սա պատահականություն չէր, և որ դուք մեր երկրի հերոսներն եք։ Սա շատ կարևոր է։ Պարտությունից հետո արժանի մարդուն, արժանի մասնագետին բնորոշ է այն, որ, իհարկե, չպետք է հաշտվել պարտության հետ, սակայն ընդունել այն, հաղթահարել, բարձր պահել գլուխը, շարունակել առաջ շարժվել և օրինակ լինել բոլորի համար։ Մենք երեք հազար տարվա երկիր ենք, և մենք անցել ենք այս ճանապարհը, քանի որ յուրաքանչյուր անհաջողությունից հետո մենք ավելի ուժեղ ենք դուրս եկել։ Մենք վեր ենք կացել և առաջ ենք շարժվել»,-հայտարարել է Ղավելաշվիլին։