Եվրամիության ընդլայնման հարցերով հանձնակատար Մարտա Կոսը վրացական «Պիրվելի» թերթին տված հարցազրույցում հայտարարել է, որ «Վրացական երազանքի» քաղաքականության պայմաններում Վրաստանը չի դառնա ԵՄ անդամ նույնիսկ 2030 թվականին։
Նրա խոսքով՝ «Վրացական երազանքը» քարոզչություն է վարում Վրաստանի՝ Եվրամիությանը անդամակցության դեմ։
«Լրագրողների, քաղաքական հակառակորդների և քաղաքացիական հասարակության ներկայացուցիչների ձերբակալությունը չի համապատասխանում մեր սպասելիքներին։ Ահա թե ինչու ես կոչ եմ անում Վրաստանի իշխանություններին դադարեցնել հակաժողովրդավարական քայլերը, որոնք Վրաստանն ավելի են հեռացնում Եվրամիությունից: Մենք գիտենք, որ Վրաստանի իշխանությունները պնդում են, որ Վրաստանը մինչև 2030 թվականը կմիանա Եվրամիությանը, բայց դա անհնար կլինի, եթե երկիրը շարունակի այս ճանապարհով գնալ. «Վրացական երազանքի» քաղաքականությունը չի աշխատի»,-ասել է Կոսը:
Եվրահանձնակատարը նշել է, որ այժմ մշակում են առանց վիզա ռեժիմը կասեցնելու նոր մեխանիզմի վրա, որը կհաստատվի նոյեմբերին, որից հետո մենք քննարկեն բազմաթիվ տարբերակներ և հնարավորություններ Վրաստանի հետ առանց վիզա ճանապարհորդության վերաբերյալ:
«Վրացական երազանքը» պարզապես պետք է լսի և ավելի ուշադիր նայի, թե ինչ ենք անում Եվրոպայում»,-հավելել է Կոսը՝ հիշեցնելով, որ Վրաստանը թեկնածու երկիր է: «Այս կարգավիճակի ստացումը պարտադրում է պատասխանատվություններ և պարտավորություններ, և եթե երկիրը չկատարի դրանք, մենք չենք կարող ասել, որ Վրաստանը եվրոպական ուղու վրա է»,-շեշտել է ԵՄ ներկայացուցիչը։
Հետևեք մեզ տելեգրամում
