Վրաստանի խորհրդարանի նախագահ Շալվա Պապուաշվիլին ընդունել ՀՀ ԱԺ գիտության, կրթության, մշակույթի, սփյուռքի, սպորտի և երիտասարդության հարցերի հանձնաժողովի նախագահ Սիսակ Գաբրիելյանի և հանձնաժողովի անդամներին։
Հանդիպման ընթացքում ընդգծվել է Վրաստանի և Հայաստանի օրենսդիր մարմինների միջև արդյունավետ աշխատանքը, ինչպես նաև փոխադարձ այցելությունների դրական դինամիկան։
Ըստ Վրաստանի խորհրդարանի հաղորդագրության՝ Սիսակ Գաբրիելյանը շնորհավորել է Շալվա Պապուաշվիլիին հոկտեմբերին կայացած տեղական ինքնակառավարման մարմինների ընտրություններում «Վրացական երազանք» կուսակցության տարած համոզիչ հաղթանակի կապակցությամբ։ Նա նաև շնորհակալություն է հայտնել Վրաստանին տարբեր միջազգային հարթակներում Հայաստանին ցուցաբերած աջակցության համար։
Կողմերը քննարկել են Հարավային Կովկասի տարածաշրջանում տեղի ունեցող զարգացումները։ Նշվել է, որ տարածաշրջանային խաղաղությունը զգալի օգուտներ կբերի տարածաշրջանի երկրներին։ Պապուաշվիլին էլ նշել է, որ Վրաստանը միշտ եղել է Հայաստանի և Ադրբեջանի միջև հակամարտության լուծման անսասան կողմնակից և ընդգծել է, որ ներկայիս գործընթացները նոր հնարավորություններ են բացում տարածաշրջանային զարգացման համար։
Հետևեք մեզ տելեգրամում
