Թուրքական զինուժը դադարեցրել է Սիրիայի հյուսիսային խոշոր քաղաքներից մեկի ջրամատակարարումը։ Խասակե քաղաքւմ խմելու ջուր չկա մայիսի 7-ից։
Սիրիայի Սերեկանիե շրջանի՝ թուրքական զինուժի և թուրքամետ զինյալների կողմից բռնազավթումից ի վեր սա արդեն վեցերորդ դեպքն է, որ Խասակեի բնակիչները զրկվում են խմելու ջրից։ Ալոկե ջրմուղ կայանը, որտեղից անջատվել է ջրամատակարարումը, գտնվում է հենց Սերեկանեի շրջանում։ 2020թ․ մարտին ևս Խասակեում պարբերական ջրանջատումներ էին եղել։
Խասակեի ջրամատակարարման ծառայության ղեկավարությունը հաստատել է լուրը՝ հայտնելով, որ ջրմուղ կայանի աշխատակիցներն արդեն 10 օր է՝ չեն կարողանում մուտք գործել այնտեղ, հետևաբար, ջրանջատման պատճառները հայտնի չեն։
Հետևեք մեզ տելեգրամում
