Եղիշե Մելիքյանը և Մխիթարյանը քննարկել են հայկական ֆուտբոլին վերաբերող մի շարք հարցեր

Հայաստանի ազգային հավաքականի գլխավոր մարզիչ Եղիշե Մելիքյանը փետրվարի 14-ին Իտալիայի Ա Սերիայի 25-րդ տուրի «Ինտեր» – «Յուվենտուս» խաղից հետո հանդիպել է Հենրիխ Մխիթարյանին եւ առանձնազրույց ունեցել նրա հետ: Այս մասին հայտնում է ՀՖՖ-ն:

Հայաստանի հավաքականի նախկին ավագ, 37-ամյա կիսապաշտպան Հենրիխ Մխիթարյանը Հայաստանի հավաքականի գլխավոր մարզիչի հետ զրույցում վերահաստատել է, որ այս փուլում կենտրոնացած է բացառապես ակումբային կարիերայի վրա:

Եղիշե Մելիքյանը և Հենրիխ Մխիթարյանը նաև քննարկել են ինչպես եվրոպական, այնպես էլ հայկական ֆուտբոլին վերաբերող մի շարք հարցեր:

Միլանում տեղի ունեցած խաղում «Ինտերը» 3:2 հաշվով հաղթել էր «Յուվենտուսին»:Հենրիխ Մխիթարյանն «Ինտերի» պահեստայինների թվում էր և խաղադաշտ դուրս չեկավ։