ԱՄՆ-ն և Իրանը նախնական համաձայնության են եկել Մերձավոր Արևելքում պատերազմը փուլային ավարտելու և Հորմուզի նեղուցի շրջափակումը վերացնելու շուրջ։ Այս մասին հայտնում է «The New York Times»-ը՝ հղում անելով ամերիկացի բարձրաստիճան պաշտոնյային։
Աղբյուրի փոխանցմամբ՝ համաձայնագրի մի շարք զգայուն հարցեր դեռևս մնում են չլուծված։ Նշվում է նաև, որ փաստաթուղթը դեռ չի ստորագրվել և պետք է վերջնական հաստատում ստանա ԱՄՆ նախագահ Դոնալդ Թրամփի և Իրանի գերագույն առաջնորդի կողմից։ Իրանից այս հարցի վերաբերյալ պաշտոնական հայտարարություն դեռ չի հնչել։ Միաժամանակ, վերջին 24 ժամվա ընթացքում իրանցի պաշտոնյաները տարբեր մեկնաբանություններ են արել հնարավոր համաձայնագրի բովանդակության վերաբերյալ։
ԱՄՆ պաշտոնյայի խոսքով՝ բանակցությունները շարունակվում են նաև Իրանի հարստացված ուրանի պաշարների հարցով, իակ ավելի վաղ Դոնալդ Թրամփը հայտարարել էր, որ իր բանակցողներին հանձնարարել է «չշտապել համաձայնագրի կնքման հարցում» ընդգծելով, որ Իրանի հետ խաղաղության համաձայնագիրը «մեծ մասամբ բանակցված է»։ NYT-ի տվյալներով՝ համաձայնագրի հաստատման դեպքում ԱՄՆ-ը կարող է դադարեցնել իրանական նավահանգիստների շրջափակումը, որը կիրառվել էր Թեհրանի նկատմամբ ճնշում գործադրելու նպատակով։
Հետևեք մեզ տելեգրամում
