Բելառուսի և Ֆրանսիայի նախագահներ Ալեքսանդր Լուկաշենկոն և Էմանուել Մակրոնը հեռախոսազրույց են ունեցել։ Այս մասին հայտնում է «Пул Первого» տելեգրամյան ալիքը։ Աղբյուրի փոխանցմամբ՝ հեռախոսազրույցը տեղի է ունեցել Մակրոնի նախաձեռնությամբ։ Կողմերը քննարկել են տարածաշրջանային հարցեր, ինչպես նաև Բելառուսի հարաբերությունները Եվրոպական Միության և Ֆրանսիայի հետ, սակայն, Փարիզը դեռևս չի հաստատել հեռախոսազրույցի մասին տեղեկությունը։
Ընդգծենք, որ վերջին օրերին տարածաշրջանում շարունակվում են ռուս-ուկրաինական պատերազմի շուրջ զարգացումները։ Ուկրաինայի նախագահ Վլոլիմիր Զելենսկին հայտնել է, որ Ռուսաստանը հարվածներ է հասցրել Ուկրաինայի Կիևի մարզին՝ կիրառելով «Օրեշնիկ» գերձայնային բալիստիկ հրթիռ։ Մի շարք արևմտյան երկրներ, այդ թվում՝ Ֆրանսիան, դատապարտել են ռուսական հարձակումը։
Միևնույն ժամանակ, նախօրեին հաղորդվել էր, որ Ուկրաինայի արևելքում գտնվող Ռուսաստանի վերահսկողության տակ գտնվող Ստարոբելսկ քաղաքում մանկավարժական քոլեջի հանրակացարանի վրա ուկրաինական հարվածի հետևանքով զոհերի թիվը հասել է 10-ի։ ՌԴ նախագահ Վլոդիմիր Պուտինը դատապարտել էր հարձակումը և հանձնարարել ռուսական բանակին պատրաստվել պատասխան գործողությունների։
Բելառուսի նախագահ Ալեքսանդր Լուկաշենկոն օրեր առաջ հերքել էր պնդումները, թե Բելառուսը կարող է ներգրավվել ռուս-ուկրաինական պատերազմում՝ միաժամանակ նշելով, որ ագրեսիայի դեպքում Մոսկվան և Մինսկը համատեղ կպաշտպանվեն։ Դրանից մեկ օր առաջ էլ, Եվրոպական հանձնաժողովի նախագահ Ուրսուլա ֆոն դեր Լայենը հայտարարել էր, որ Ռուսաստանը և Բելառուսը պատասխանատվություն են կրում ԵՄ երկրների օդային տարածքում անօդաչու թռչող սարքերի ներխուժման մի շարք դեպքերի համար՝ այս հայտարարությունը հնչեցնելով Լիտվայում արձանագրված դեպքերից հետո։
Հետևեք մեզ տելեգրամում
