Ադրբեջանի արտաքին գործերի նախարար Ջեյհուն Բայրամովը հուլիսին կարող է մեկնել Ռուսաստան։ Այդ մասին ադրբեջանական ԶԼՄ-ներին հայտնել է Ադրբեջանում ՌԴ դեսպան Միխայիլ Եվդոկիմովը։
«Այժմ ընթանում է Ադրբեջանի արտաքին գործերի նախարար Ջեյհուն Բայրամովի Մոսկվա այցի ամսաթվի համաձայնեցման գործընթացը։ Երկու նախարարներն էլ ունեն չափազանց խիտ աշխատանքային գրաֆիկ, ուստի այցը, ամենայն հավանականությամբ, կկայանա հուլիսին։ Ճշգրիտ ամսաթիվը ներկայումս որոշվում է», – նշել է դիվանագետը։
Եվդոկիմովը նաև նշել է, որ սեպտեմբերին Ադրբեջանում նախատեսված է միջազգային պաշտպանական ցուցահանդես (ADEX), որին կարող է մասնակցել նաև Ռուսաստանի պաշտպանության նախարարը։
Հետևեք մեզ տելեգրամում
