Բաքու-Թբիլիսի-Կարս երկաթուղու պաշտոնական բացման արարողությունը տեղի կունենա հունիսի 2-ին, Վրաստանի Ախալքալաքի կայարանում։ Վրացական ԶԼՄ-ների փոխանցմամբ՝ բացման արարողությանը կմասնակցեն Ադրբեջանի, Վրաստանի և Թուրքիայի պաշտոնյաներ։
Ըստ «Ադրբեջանի երկաթուղիների»՝ ընկերությունը 2023 թվականի մայիսից մինչև 2024 թ․ մայիսը երկաթուղու արդիականացման աշխատանքներ է իրականացրել, և վերակառուցման արդյունքում գծի տարեկան թողունակությունը 1 միլիոն տոննայից աճել է մինչև 5 միլիոն տոննա։
Բաքու-Թբիլիսի-Կարս երկաթուղին փորձարկման ռեժիմով գործում է 2017 թվականից։ Երկաթուղու ընդհանուր երկարությունը 827 կիլոմետր է, որից 213-ը՝ Վրաստանի տարածքում է։ Վրացական հատվածի շինարարությունը ֆինանսավորվել է Ադրբեջանի կողմից տրամադրված 775 միլիոն դոլարի վարկով ու այդ վարկը կմարվի նախագծից ստացված եկամուտներից։
Հետևեք մեզ տելեգրամում
