Ռուսաստանի զինված ուժերը, օգտագործելով անօդաչու թռչող սարքեր, հարձակվել են Վանուատուի դրոշի ներքո նավարկող թուրքական «ANT» բեռնատար նավի վրա, որը Օդեսայի նավահանգստից բեռով ուղևորվում էր Թուրքիա։ «DW»-ի ռուսական ծառայության փոխանցմամբ՝ այս մասին հայտնել են Ուկրաինայի ռազմածովային ուժերը։
Նավի վրա հրդեհ է բռնկվել, որն արագորեն մարվել է։ Աձնակազմի երկու անդամ վիրավորվել է, նրանք տարհանվել են ռազմածովային ուժերի նավակներով և տեղափոխվել բժշկական հաստատություն։ Ռուսական կողմը չի մեկնաբանել Օդեսային և Սև ծովում հասցված հարվածը։
Ավելի վաղ հայտնի էր դարձել, որ ռուսական անօդաչու թռչող սարքերը հարձակվել են Ուկրաինայի Օդեսայի մարզի Իզմայիլ նավահանգստի վրա։ Ռումինիայի հետ սահմանի մոտ գտնվող Իզմայիլը Դանուբի ափին Ուկրաինայի ամենամեծ նավահանգիստն է և հաճախակի է դառնում ռուսական հարձակումների թիրախ։
Հետևեք մեզ տելեգրամում
