ԱՄՆ-ն ցանկանում է ընդլայնել եվրոպական այն երկրների ցանկը, որտեղ տեղակայված է ամերիկյան միջուկային զենքը: Որպես նոր տարածքներ դիտարկվում են ՆԱՏՕ-ի արևելյան թևի երկրները՝ Լեհաստանը և Մերձբալթիկան (Լիտվա, Լատվիա, Էստոնիա): Այս մասին հայտնում է Financial Times պարբերականը՝ հղում անելով իրազեկ աղբյուրներին:
Ըստ լրատվամիջոցի՝ Վաշինգտոնը պատրաստ է միջուկային զենք կրելու հնարավորություն ունեցող երկակի նշանակության օդանավեր տեղակայել նոր բազաներում: Այս պահին նման ռմբակոծիչները գտնվում են եվրոպական վեց երկրներում՝ Միացյալ Թագավորությունում, Ֆրանսիայում, Գերմանիայում, Իտալիայում, Բելգիայում և Նիդերլանդներում:
ՆԱՏՕ-ի հատուկ ծրագրի շրջանակներում եվրոպական դաշնակիցները սեփական բազաներում պահում են ԱՄՆ միջուկային զենքը և պատրաստում իրենց օդաչուներին պատերազմի դեպքում դրանք օգտագործելու համար: Փորձագետների հաշվարկներով՝ Եվրոպայում և Թուրքիայում այժմ պահվում է ամերիկյան «B61» տեսակի շուրջ 100 միջուկային ռումբ:
Սպիտակ տունը, Պենտագոնը և ՆԱՏՕ-ն դեռևս պաշտոնական մեկնաբանություն չեն տվել այս տեղեկության վերաբերյալ:
Հետևեք մեզ տելեգրամում
