Վրաստանի վարչապետ Իրակլի Կոբախիձեն հայտարարել է, որ Բրյուսելը գրեթե սպառել է Թբիլիսիի վրա ազդեցության բոլոր հնարավոր լծակները՝ բացառությամբ «տեսական վերջին գործիքի»՝ առանց վիզայի ռեժիմի հնարավոր ամբողջական չեղարկման։
Նրա խոսքով՝ որոշ ուժեր փորձում են օգտագործել այդ մեխանիզմը որպես քաղաքական ճնշման միջոց, սակայն Վրաստանը պատրաստ է երկխոսության և ակնկալում է ավելի «արդար մոտեցում» Եվրոպական միության կողմից։
Հիշեցնենք, որ հունիսի 11-ին Բրյուսելում տեղի է ունեցել ԵՄ-ի և Վրաստանի ներկայացուցիչների հանդիպում, որը նվիրված էր վիզայի ազատ ռեժիմի հնարավոր կասեցման մեխանիզմին։ Քննարկումների ընթացքում կողմերը դիրքորոշումներ են փոխանակել Վրաստանի կողմից ստանձնած պարտավորությունների կատարման և այդ ուղղությամբ ԵՄ-ի մտահոգությունների վերաբերյալ: Եվրահանձնաժողովը նշել էր, որ հանդիպումը պայմանավորված է առկա խնդիրների գնահատմամբ, իսկ վրացական կողմը այն բնութագրել է որպես աշխատանքային քննարկում։
Հետևեք մեզ տելեգրամում
