Կրեմլի մամուլի քարտուղար Դմիտրի Պեսկովը հայտարարել է, որ Ուկրաինայի նախագահ Վլադիմիր Զելենսկու հայտարարություններն ու սպառնալիքները Բելառուսի հասցեին հանդիսանում են այդ երկրի ինքնիշխանության դեմ ուղղված քայլ։ Նրա խոսքով՝ Մոսկվան չի կասկածում, որ Մինսկը ունակ է պաշտպանել իր անվտանգությունն ու պետական շահերը։
Պեսկովը նշել է նաև, որ ստեղծված իրավիճակը կարող է քննարկվել Ռուսաստանի և Բելառուսի նախագահներ Վլադիմիր Պուտինի և Ալեքսանդր Լուկաշենկոյի առաջիկա հանդիպման ընթացքում։
Նշենք, որ նախօրեին Զելենսկին մեղադրել էր Բելառուսին սահմանային հատվածում ռազմական տեխնիկայի տեղակայման մեջ և սպառնացել էր պատասխան քայլերով, եթե իրավիճակը չփոխվի։
Կրեմլի գնահատմամբ՝ նման հայտարարությունները միջամտություն են այլ պետության ներքին գործերին և սպառնում են տարածաշրջանային լարվածության աճին։
Հետևեք մեզ տելեգրամում
