ՆԱՏՕ-ի գլխավոր քարտուղար Մարկ Ռյուտեն հայտարարել է, որ Իրանի դեմ ԱՄՆ-ի նոր ռազմական հարվածները «բացարձակապես անհրաժեշտ էին»՝ ընդգծելով, որ Վաշինգտոնի արձագանքը պայմանավորված էր հրադադարի խախտումներով։ Այս մասին հայտնում է «Reuters»-ը։
Անկարայում ՆԱՏՕ-ի գագաթնաժողովից առաջ լրագրողների հետ զրույցում Ռյուտեն նշել է, որ եթե հրադադարից հետո Իրանը խախտում է ձեռք բերված պայմանավորվածությունները, ապա ԱՄՆ-ի վճռական արձագանքը լիովին արդարացված է։
«Երբ կա հրադադար, և Իրանը փաստացի խախտում է այն, կարծում եմ՝ չափազանց կարևոր է, որ ԱՄՆ-ն կոշտ արձագանքի»,- ասել է Ռյուտեն։
Հիշեցնենք, որ Հորմուզի նեղուցում երեք նավթատար նավերի վրա իրանական հարձակումից հետո ԱՄՆ-ն նոր հարվածներ էր հասցրել Իրանի տարածքին և չեղարկել նավթի վաճառքի համար Թեհրանին տված արտոնությունը: Այդ զարգացումները լրացուցիչ լարվածություն են ստեղծել արդեն իսկ փխրուն հրադադարի պայմաններում։
Հետևեք մեզ տելեգրամում
