Ձերբակալվել է Ստամբուլի հայկական եկեղեցու գերեզմանատունը վանդալիզմի ենթարկած անձը

Ստամբուլի Սկյուտար թաղամասի հայկական սուրբ Կարապետ եկեղեցու գերեզմանատանը վանդալիզմ իրականացնելու գործով հուլիսի 9-ին ձերբակալվել է կասկածյալ Մ.Կ.-ն։

Ստամբուլի Անատոլիայի գլխավոր դատախազության հաղորդմամբ՝ հուլիսի 10-ին կասկածյալը բերման է ենթարկվել դատախազություն, որից հետո նրան կալանավորելու միջնորդությամբ ուղարկել են դատարան։

Ավելի վաղ Կ. Պոլսո Հայոց պատրիարքարանը հայտնել էր, որ անհայտ անձը հուլիսի 7-8-ի գիշերային ժամերին ներխուժել է Ստամբուլի Սկյուտար թաղամասում գտնվող հայկական սուրբ Կարապետ եկեղեցու գերեզմանատան տարածք և վնաս հասցրել վեց դամբարանի ու աղբյուրի։