Արաբական Միացյալ Էմիրությունները սկսել են վերականգնել Իրանի հետ դիվանագիտական և տնտեսական հարաբերությունները՝ միաժամանակ խորացնելով ռազմական համագործակցությունը Իսրայելի և ԱՄՆ-ի հետ։ Այս մասին հայտնում է «Financial Times»-ը։
Ըստ պարբերականի՝ Աբու Դաբին որոշել է Իրանի հետ հարաբերություններում լարվածության թուլացման քաղաքականության անցնել։ Այս պահին ԱՄԷ-ն արդեն վերականգնել է Իրանի հետ առևտրային կապերի մի մասը և ավիահաղորդակցությունը։
Պաշտոնական շրջանակները, սակայն, ընդունում են, որ պատերազմական իրավիճակից «սառեցված խաղաղության» անցումը շարունակում է ռիսկային մնալ։ Իրավիճակը բարդանում է նաև ԱՄՆ-ի և Իրանի միջև վերջին շաբաթներին շարունակվող ռազմական գործողություններով։ ԱՄԷ-ն հուլիսի 18-ին լուրջ մտահոգություն էր հայտնել Մերձավոր Արևելքում ստեղծված իրավիճակի կապակցությամբ և կոչ արել անհապաղ դադարեցնել ռազմական գործողությունները՝ տարածաշրջանում հետագա լարվածությունից խուսափելու համար։ Երկիրը նաև կոչ է արել հնարավորինս արագ վերադառնալ բանակցությունների սեղանի շուրջ և ընդգծել Հորմուզի նեղուցով ազատ ու անվտանգ նավագնացության կարևորությունը։
Հետևեք մեզ տելեգրամում
