Ուկրաինայի պաշտոնանկ արված պաշտպանության նախարար Միխայիլ Ֆեդորովը կոչ է արել պատերազմի պայմաններում երկրում ընտրություններ անցկացնել՝ հայտարարելով, որ Ուկրաինան բախվում է կառավարման համակարգային ճգնաժամի։ Այս մասին նա հայտարարել է օգոստոսի 18-ին հրապարակված տեսաուղերձում։
Իր ելույթում նախկին նախարարն ընդգծել է, որ «ժողովրդավարությունը չի կարող պատանդ մնալ Ռուսաստանի ձեռքում», և անհրաժեշտ է գտնել իրավական ու անվտանգ մեխանիզմներ երկարատև պատերազմի պայմաններում ընտրական գործընթացը վերականգնելու համար: Նա նաև քննադատել է համակարգում առկա կոռուպցիան՝ նշելով, որ պաշտպանական գնումների ոլորտում իր նախաձեռնած բարեփոխումներն են եղել իր պաշտոնանկության պատճառներից մեկը:
Նշենք, որ Ուկրաինայի օրենսդրությունն արգելում է պատերազմի պայմաններում ընտրությունների անցկացումը։
Հիշեցնենք, որ Ֆեդորովը պաշտպանության նախարարի պաշտոնից հեռացվել է հուլիսին՝ նշանակվելուց ընդամենը վեց ամիս անց։ Պաշտոնանկությունից հետո նախկին նախարարը հրապարակայնորեն քննադատել էր զինված ուժերի գլխավոր հրամանատար Ալեքսանդր Սիրսկուն, իսկ Կիևում նրա վերադարձի պահանջով բողոքի ցույցեր էին անցկացվել։
Հետևեք մեզ տելեգրամում
