ԱՄՆ պաշտպանության նախարարության զոհերի և վիրավորների հաշվառման տվյալների բազայի (DCAS) վերջին թարմացման համաձայն՝ Իրանի դեմ ռազմական գործողությունների սկզբից ի վեր վիրավորված ամերիկացի զինծառայողների թիվը գերազանցել է 750-ը: Այս մասին հայտնում է CNN-ը:
«Արտասահմանյան գործողություններ» և «Էպիկական ցասում» ծրագրերի տվյալների համադրմամբ՝ փետրվարի 28-ին Իրանի դեմ պատերազմի մեկնարկից ի վեր զոհվել է 18, և վիրավորվել 757 ամերիկացի զինծառայող:
«Էպիկական ցասումը» Իրանի դեմ փետրվարին վերջին մեկնարկած պատերազմական գործողության անվանումն է: «Արտասահմանյան գործողություններ» նոր կատեգորիան DCAS համակարգում ստեղծվել է հուլիսին: Այնտեղ ներառվում են հուլիսի 7-ից ի վեր զոհված և վիրավորված զինծառայողների տվյալները:
Հուլիսի 7-ի ամսաթիվը համընկնում է այն օրվա հետ, երբ Դոնալդ Թրամփի վարչակազմը Կոնգրեսին պաշտոնապես ծանուցել է Իրանի հետ նոր հակամարտության մեկնարկի մասին: Պենտագոնը դեռևս հավելյալ մանրամասներ կամ պարզաբանումներ չի տրամադրել այս նոր կատեգորիայի վերաբերյալ:
Հետևեք մեզ տելեգրամում
