Ռուսաստանը համագործակցության զգալի ներուժ ունի Իրանի, Մոնղոլիայի, Հյուսիսային Կորեայի, Ադրբեջանի և Վրաստանի հետ։ Այս մասին Վլադիվոստոկում անցկացվող Արևելյան տնտեսական համաժողովի շրջանակում հայտարարել է ՌԴ Անվտանգության խորհրդի փոխքարտուղար Ալեքսեյ Շևցովը։
Նրա խոսքով՝ Ռուսաստանը բարեկամ և չեզոք երկրներին կարող է առաջարկել միջտարածաշրջանային տնտեսական համագործակցության մոդելներ։ «Մենք համագործակցության զգալի ներուժ ունենք Իրանի, Մոնղոլիայի, Հյուսիսային Կորեայի, Ադրբեջանի, Վրաստանի և բազմաթիվ այլ երկրների հետ»,- ընդգծել է նա՝ հավելելով, որ նման համագործակցություն Մոսկվան արդեն զարգացնում է Չինաստանի, Բելառուսի և Ղազախստանի հետ։
Շևցովի խոսքով՝ միջտարածաշրջանային կապերը պետք է զարգանան ոչ միայն առևտրի և ապրանքների փոխանակման, այլև համատեղ արտադրական շղթաների ստեղծման ուղղությամբ։
Հետևեք մեզ տելեգրամում
