Իսրայելի և Լիբանանի միջև ԱՄՆ միջնորդությամբ անցկացվող բանակցությունների հաջորդ փուլը հետաձգվել է մինչև հոկտեմբեր։ «The Times of Israel»-ի փոխանցմամբ՝ այս մասին հայտնել է ԱՄՆ պետդեպարտամենտի պաշտոնյան։
Հաջորդ հանդիպումը նախատեսված էր հաջորդ շաբաթ Հռոմում, սակայն այժմ այն կանցկացվի հոկտեմբերին։ Միաժամանակ, երկու երկրների դեսպանները կշարունակեն հանդիպել ԱՄՆ պետդեպարտամենտում՝ քննարկելու համաձայնեցված շրջանակային պայմանավորվածության իրականացումը։
Պայմանավորվածության նպատակն է զինաթափել «Հեզբոլլահ»-ին և ապահովել Իսրայելի պաշտպանության բանակի դուրսբերումը Լիբանանի հարավային շրջաններից։
Իսրայելցի պաշտոնյան բանակցությունների հետաձգումը պայմանավորել է ժամանակացույցի հետ կապված խնդիրներով։ Միևնույն ժամանակ, այս զարգացումը կարող է վկայել բանակցությունների ընթացքի դանդաղման մասին՝ հաշվի առնելով Իսրայելում առաջիկա ընտրությունները և «Հեզբոլլահ»-ի կողմից համաձայնության դիմադրությունը։
Լիբանանցի պաշտոնյան «The Times of Israel»-ին հայտնել է, որ Իսրայելի պաշտպանության բանակի կողմից Լիբանանի հարավում իրականացվող «անկանոն» հարվածները խոչընդոտում են «Հեզբոլլահ»-ի զինաթափմանն ուղղված Բեյրութի ջանքերին։
Իսրայելական կողմը, իր հերթին, պնդում է, որ Լիբանանի զինված ուժերը դեռևս պատրաստ չեն այդ գործընթացը լիարժեք իրականացնելու։
Հետևեք մեզ տելեգրամում
