Ադրբեջանական «BLACKYARD» ընկերությունը հայտնել է, որ անօդաչու թռչող սարքեր կմատակարարի Պակիստանին։ Ըստ ընկերության՝ դրանց թվում են «F-5000», «DT-001» և «F-1500» մոդելները։
Ընկերության ներկայացրած տվյալների համաձայն՝ ԱԹՍ-ները կարող են թիրախի վերաբերյալ տեղեկություններ ստանալ այլ անօդաչու սարքերից։ Ընկերությունը նաև նշել է, որ սարքերը հասանելի են ներքին այրման շարժիչով և էլեկտրական տարբերակներով։
Արտադրողի պնդմամբ՝ ներքին այրման շարժիչով տարբերակի թռիչքի տևողությունը կարող է հասնել 5 ժամի, իսկ հեռահարությունը՝ 500 կմ-ի։ Էլեկտրական տարբերակի համար նշվում են մինչև 40 րոպե թռիչքի տևողություն և մինչև 40 կմ հեռահարություն։
Հետևեք մեզ տելեգրամում
