Հայաստանի Հանրապետության նախագահ Արմեն Սարգսյանն օգոստոսի 24-ին ցավակցական հեռագիր է հղել Վրաստանի նախագահ Սալոմե Զուրաբիշվիլիին՝ Շատիլի գյուղի մոտակայքում տեղի ունեցած մարդատար միկրոավտոբուսի վթարի կապակցությամբ, որը մարդկային զոհերի պատճառ է դարձել:
Այս մասին հայտնում է ՀՀ նախագահի աշխատակազմի հասարակայնության հետ կապերի վարչությունը:
Արմեն Սարգսյանն իր անկեղծ վշտակցությունն է հայտնել զոհվածների հարազատներին՝ մաղթելով համբերություն և ոգու արիություն, իսկ վիրավորներին՝ շուտափույթ ապաքինում:
Հիշեցնենք, որ վթարի հետևանքով 17 ուղևոր է զոհվել, ևս 3-ը վիրավորվել:
Հետևեք մեզ տելեգրամում
