Ադրբեջանում թմրանյութերի վաճառքի համար 7 տարվա ազատազրկման դատապարտված Էմին Սագիևը արդեն 15 օր է, ինչ հացադուլ է հայտարարել: Սագիևն այս քայլով բողոքում է Գերագույն դատարանի որոշման դեմ, որը հաստատեց իր նկատմամբ նախկինում կայացած դատավճիռը:
Սագիևի կնոջ խոսքով, ամուսնու վիճակը վատացել է, բժիշկները համոզել են, որ դադարեցնի հացադուլը, սակայն վերջինս հրաժարվել է: Սագիևը մտադիր է շարունակել հացադուլ այնքան ժամանակ, քանի դեռ չեն կատարել իր պահանջը՝ ազատել բանտից:
Ըստ Ադրբեջանի իրավապաշտպանների՝ Սագիևը քաղբանտարկյալ է, և նրան պատժել են քրոջ ամուսնու՝ քաղաքական էմիգրանտ Թուրքել Ազերթյուրկի լրագրողական գործունեության համար: Վերջինս մի քանի տարի է, ինչ ապրում է Եվրոպայում: Նա թղթակցում էր «Azerbaycan Saati» էլեկտրոնային պորտալին, և խիստ քննադատում Ադրբեջանի իշխանություններին:
Հետևեք մեզ տելեգրամում
