Իսրայելի վարչապետի աշխատակազմի և ԱԳ նախարարության բարձրաստիճան պաշտոնյաներից բաղկացած պատվիրակությունը մեկնել է Բահրեյն՝ երկու երկրների միջև երկկողմ հարաբերություններ հաստատելու հարցի շուրջ բանակցությունների համար:
Իսրայելական ինքնաթիռն անցել է Սաուդյան Արաբիայի օդային տարածքով: Այս բանակցությունների նպատակն է քարտեզագրել այն տարբեր ոլորտները, որոնք կդառնան Իսրայելի և Բահրեյնի միջև ավելի լայն խաղաղության համաձայնագրի մաս:
Հիշեցնենք, որ սեպտեմբերի 15-ին Սպիտակ տանը կայացել էր «Աբրահամյան համաձայնության» ստորագրման արարողությունը, որի շրջանակում քառորդ դար անց Իսրայելի հետ դիվանագիտական հարաբերություններ հաստատեցին արաբական երկու պետություն՝ Արաբական Միացյալ Էմիրությունները և Բահրեյնը:
Հետևեք մեզ տելեգրամում
