Վրաստանի խորհրդարանական ընտրություններից առաջ երկրի իշխանությունները սկսել են նախորդ իշխանությունների օրոք հարևան երկրին տարածքների անօրինական զիջումի (Դավիթ Գարեջի վանական համալիր) գործով հետաքննություն:
Սեպտեմբերի 29-ին Վրաստանի դատախազությունը հայտարարել է պետական սահմանների սահմանազատման և գծանշման հարցերով կառավարական հանձնաժողովի անդամների գործունեության հետաքննություն սկսելու մասին:
Իշխանությունները հայտարարել են, որ հետաքննություն են ակցկացնելու հանձնաժողովի «առանձին փորձագետների» նկատմամբ, որոնք, ըստ նրանց, կարող էին Վրաստանի տարածքի մի մասը տալ այլ երկրի, իսկ դա հանցագործություն է, որին սպառնում է 15-20 տարի ազատազրկում:
Նշենք, որ օրեր առաջ Վրաստանի նախկին նախագահ Միխեիլ Սաակաշվիլին կառավարությանը մեղադրել ձևական հետաքննություն անցկացնելու մեջ, որի նպատակը, ըստ Սաակաշվիլիի, իրեն՝ 2000-ականների կեսերին Վրաստանի տարածքի մի մասն Ադրբեջանին տալու մեջ մեղադրելն է: Սաակաշվիլին նաև պնդել է, որ «Իվանիշվիլիի օրոք Վրաստանի հարաբերությունները Ադրբեջանի հետ «հավասարեցվել են զրոյի»:
Հետևեք մեզ տելեգրամում
