Facebook-ը հեռացրել է Ադրբեջանում գրանցված 589 օգտահաշիվ, 7,906 էջ և Instagram-ի 447 հաշիվ, որոնք կապ են ունեցել իշխող Ադրբեջանի «Ենի Ադրբեջան» կուսակցության հետ և օգտագործվել են ընդդիմության և լրատվամիջոցների դեմ, ինչպես նաև հօգուտ իշխող կուսակցության մեկնաբանություններ թողնելու համար։ Դրանք ընդդիմությանը և վերջինիս ղեկավարներին մեղադրել են դավաճանության մեջ, հերքել են մարդու իրավունքների խախտումները Ադրբեջանում:
Այդ հաշիվներում և էջերում նյութերը հրապարակվում էին հիմնականում ադրբեջաներեն, նաև ռուսերեն և անգլերեն: Տեղադրվել են տեղական և տարածաշրջանային նորությունները և իրադարձությունները, նյութեր Հայաստանի և Ադրբեջանի միջև լարվածության, Լեռնային Ղարաբաղում վերջին սրացումների ժամանակ Հայաստանի գործողությունների վերաբերյալ:
Հետևեք մեզ տելեգրամում
