Եվրամիության երկրների ղեկավարները և կառավարությունները որոշել են ընդլայնել Թուրքիայի դեմ պատժամիջոցները: Պատճառը վերջինիս գործողություններն են Միջերկրական ծովում:
«ԵՄ-ն հավատարիմ է իր դաշնակիցների և անդամ-երկրների շահերի պաշտպանությանը, ինչպես նաև տարածաշրջանում կայունության ամրապնդմանը: Դրա հետ կապված գագաթաժողովը ԵՄ խորհրդին հանձնարարում է լրացուցիչ սև ցուցակ կազմել 2019թ. նոյեմբերի 11-ի որոշման հիման վրա, որոնք վերաբերում են Միջերկրական ծովում Թուրքիայի ապօրինի գործողությունների պատճառով սահմանափակող միջոցներին»,-ասվում է ԵՄ գագաթաժողովի հայտարարության մեջ:
Բացի այդ, ԵՄ ղեկավարները Միության արտաքին քաղաքականության ղեկավար Ժոզեպ Բորելին հանձնարարել են 2021թ. մարտին կայանալիք գագաթաժողովին ներկայացնել Անկարայի նկատմամբ պատժամիջոցներն ընդլայնելու այլ տարբերակներ:
Հետևեք մեզ տելեգրամում
