ԱՄՆ Պետքարտուղարության բարձրաստիճան պաշտոնյան հաստատել է այն տեղեկությունը, որ նախագահ Ջո Բայդենը մոտ ժամանակներս Բարաք Օբամայի վարչակազմի նախկին օգնական Ռոբերտ Մելլին նշանակելու է Իրանի հարցով նոր հատուկ բանագնաց:
Մելլին նախագահի հատուկ օգնականն էր, Մերձավոր Արևելքի, Հյուսիսային Աֆրիկայի և Պարսից ծոցի շրջանի գործերի Սպիտակ տան համակարգողը, մասնակցել է Իրանի միջուկային ծրագրի վերաբերյալ Վիեննայում տեղի ունեցած բանակցություններին: Բացի այդ, նա Օբամայի ավագ խորհրդականն էր «Իսլամական պետության» դեմ պայքարում:
Այս անգամ Մելիին գլխավորելու է «տարբեր տեսակետներ ունեցող փորձագետների թիմը»:
«Մելլիի ծառայողական պատմությունը ներառում է հաջող բանակցություններ, որոնք սահմանափակել են Իրանի միջուկային ծրագիրը, և ԱՄՆ պետքարտուղար Էնթոնի Բլինքենը վստահ է, որ նա կկարողանա կրկին դա անել»,- Associated Press-ին ասել է աղբյուրը:
Հետևեք մեզ տելեգրամում
