Թուրքիայի և Ռուսաստանի արտաքին գործերի նախարարությունները Մոսկվայի պայմանագրի 100-ամյակի կապակցությամբ հանդես եկել են հայտարարությամբ:
«Թուրքիան և Ռուսաստանը շարունակում են նույն արդյունավետ երկխոսությունը և համագործակցությունը տարածաշրջանային և միջազգային մակարդակներում, ինչպես 100 տարի առաջ: Այդ փաստաթուղթը, որը պատմության մեջ մտել է «Մոսկվայի պայմանագիր» անունով, կարևոր տեղ է զբաղեցնում թուրք-ռուսական հարաբերություններում»,-նշված է Թուրքիայի ԱԳՆ տարածած հաղորդագրության մեջ, որում շեշտվել է պայմանագրի քաղաքական կարևորությունը:
ՌԴ ԱԳՆ պաշտոնական ներկայացուցիչ Մարիա Զախարովան իր հերթին նշել է, որ Ռուսաստանի և Թուրքիայի համագործակցությունն ունի խորը գիտակցված բնույթ՝ հիմնված բարիդրացիության և փոխադարձ հարգանքի վրա:
«Հետևելով Մոսկվայի պայմանագրի ոգուն և սկզբունքներին, որը վերջին հարյուր տարվա ընթացքում չի կորցրել իր քաղաքական և պատմական արդիականությունը, երաշխիք է Ռուսաստանի Դաշնության և Թուրքիայի Հանրապետության հարաբերությունների հետագա առաջադեմ զարգացման համար»,-նշել է Զախարովան:
Հետևեք մեզ տելեգրամում
