Թուրքիայի ԱԳ նախարար Մևլութ Չավուշօղլուն հայտարարել է, որ Ուկրաինային թուրքական արտադրության անօդաչու թռչող սարքեր վաճառելն ուղղված չէ Ռուսաստանի դեմ:
«Այո, մենք վաճառում ենք, եթե կա պահանջարկ: Այս գործարքն ուղղված չէ Ռուսաստանի դեմ: Եթե Ռուսաստանը մեր արտադրանքի կարիքը ունի, մենք պատրաստ ենք դա քննարկելու»,-ասել է Չավուշօղլուն՝ նշելով, որ Անկարան լավ հարաբերություններ ունի և Մոսկվայի, և Կիևի հետ՝ չնայած Սև ծովի շրջանում ստեղծված լարված իրավիճակին:
Թուրքիայի ԱԳ նախարարը նաև հավելել է, որ Թուրքիան շարունակում է Ռուսաստանի հետ C-400 զենիթահրթիռային համալիրների գնման շուրջ բանակցությունները:
Հետևեք մեզ տելեգրամում
