ԱՄՆ-ը և Իսրայելը պայմանավորվել են ստեղծել միջկառավարական աշխատանքային խումբ, որը «հատուկ ուշադրություն կդարձնի» Իրանի անօդաչու թռչող սարքերից և հրթիռներից եկող սպառնալիքներին: Այս մասին ասվում է Սպիտակ տան տարածած գրավոր հայտարարության մեջ, որը հրապարակվել է ԱՄՆ ազգային անվտանգության օգնական Ջեյք Սալիվանի և Իսրայելի ազգային անվտանգության խորհրդի ղեկավար Մեիր Բեն Շաբբաթի Վաշինգտոնում կայացած բանակցություններից հետո:
«Միացյալ Նահանգները և Իսրայելը պայմանավորվել են ստեղծել միջկառավարական աշխատանքային խումբ, որը հատուկ ուշադրություն կդարձնի աճող սպառնալիքին՝ կապված ԱԹՍ-ների և բարձր ճշգրտությամբ կառավարվող հրթիռների հետ, որոնք Իրանն արտադրում և փոխացում է Մերձավոր Արևելքում իր վերահսկողության տակ գտնվող ուժերին»,-ասված է հայտարարության մեջ:
Սալիվանը և Բեն Շաբբաթը քննարկել են նաև «վերջին տարիների Իրանի միջուկային ծրագրի առաջխաղացման շուրջ լուրջ մտավախությունները»: ԱՄՆ-ը Իսրայելին է տրամադրել նաև Վիեննայում Իրանի միջուկային գործարքի վերաբերյալ վերջերս կայացած բանակցությունների մասին տեղեկություն և ընդգծել ԱՄՆ-ի՝ հետագայում Իսրայելի հետ միջուկային հարցի շուրջ սերտ խորհրդակցություններ անցկացնելու շահագրգռվածությունը:
Հետևեք մեզ տելեգրամում
