ԱՄՆ պետքարտուղար Էնթոնի Բլինքենը օտարերկրացի լրագրողների հետ առցանց հանդիպման ժամանակ հայտարարել է, որ ԱՄՆ-ը հնարավոր է միակողմանի պատժամիջոցներ սահմանի այն դաշնակիցների նկատմամբ, որոնք հետագայում զենք կգնեն Ռուսաստանից:
«ԱՄՆ-ն Անկարային և մյուս դաշնակիցներին ու գործընկերներին կոչ է անում հրաժարվել Ռուսաստանից զենքի և ռազմական տեխնիկայի հետագա գնումներից՝ նախազգուշացնելով, որ նմանատիպ գործարքների հետևանքով կարող են հայտնվել ամերիկյան միակողմանի պատժամիջոցների ցանկում:
«Ես շատ մեծ հույս ունեմ, որ C-400-ի հարցում Անկարայի հետ մենք կկարողանանք առաջ գնալու ճանապարհ գտնել: Սակայն ապագայի համար նաև կարևոր է, որ Թուրքիան և, եթե դրան էլ է հասել, բոլոր դաշնակիցները ու գործընկերները խուսափեն ռուսական զենքի հետագահ ձեռքբերումից, ինչը Ռուսաստանին տալիս է եկամուտներ, մուտք և ազդեցություն ունենալ: Ռուսական պաշտպանական կազմակերպությունների հետ ցանկացած գործարք կարող է ենթարկվել CAATSA-ի («Պատժամիջոցների միջոցով Ամերիկայի հակառակորդներին հակազդելու վերաբերյալ») օրենքի ազդեցությանը»,-ասել է ԱՄՆ պետքարտուղարը:
Բլինքենն ընդգծել է, որ Թուրքիայի կողմից C-400-ի գնումը «ուղիղ հակասում է պարտականություններին», որոնք իրենց վրա վերցրել են ՆԱՏՕ-ի երկրները 2016թ. Վարշավայում: Այդ ժամանակ դաշինքի երկրները պարտավորվել էին կրճատել, այլ ոչ թե ընդյալնել կախվածությունը ռուսական տեխնիկայից:
ԱՄՆ արտաքին գերատեսչության ղեկավարը նշել է, որ Թուրքիայի դեպքում իրավիճակը չի կարգավորվի այնպես, ինչպես Հունաստանի պարագայում:
«Դրանք շատ տարբեր իրավիճակներ են, տարբեր օրինակներ… Ռուսաստանի հետ նմանատիպ գործարքներ կնքվել են մինչև ԱՄՆ-ում ուժի մեջ էր մտել CAATSA-ի օրենքը»,-նշել է պետքարտուղարը:
Հետևեք մեզ տելեգրամում
