Միացյալ Թագավորության արտաքին գործերի և համագործակցության նախարարությունը թարմացրել է Ադրբեջան մեկնել ցանկացող իր քաղաքացիներին ուղղված խորհուրդների ցանկը։
Նախարարության կայքում տեղ գտած ուղերձում ընդգծվում է, որ հունվարի 3-ին ամերիկյան ուժերի կողմից իրանցի գեներալ Ղասեմ Սոլեյմանիի սպանությունից հետո տարածաշրջանում գերլարված իրավիճակ է տիրում։
«Արևմուտքի շահերի դեմ ուղղված սպառնալիքները կարող են սաստկանալ, և անվտանգության վիճակը կարող է վատթարանալ՝ առանց հատուկ նախազգուշացումների։ Դուք պետք է զգոնություն պահպանեք և միշտ տեղյակ լինեք վերջին զարգացումներից, այդ թվում՝ հետևելով զանգվածային տեղեկատվության միջոցների և սույն խորհուրդների թարմացումներին», – ասված է հայտարարության մեջ։
Նշվում է նաև, որ Ադրբեջան մեկնել ցանկացող ՄԹ բոլոր քաղաքացիները պետք է նախապես ստանան վիզաները, ինչպես նաև՝ հոգան ողջ ուղևորության ընթացքում կյանքի և առողջության ապահովագրության մասին։
Լոնդոնը զգուշացրել է նաև, որ ահաբեկիչները, ամենայն հավանականությամբ, կարող են ահաբեկչական գործողություններ կազմակերպել Ադրբեջանում։
Հետևեք մեզ տելեգրամում
