Իրանի նախագահի մամլո ծառայությունը հաղորդել է, որ Ֆրանսիայի նախագահ Էմանուել Մակրոնը Իրանի նախագահ Իբրահիմ Ռայիսիի հետ հեռախոսազրույց է ունեցել և առաջարկել է վերանայել երկկողմ հարաբերությունների բնույթը:
Ինչպես հաղորդում է ռուսական ТАСС-ը, Մակրոնը Ռայիսիի հետ հեռախոսազրույցում կարևորել է Ֆրանսիայի և Իրանի միջև համագործակցության զարգացման ու խորացման անհրաժեշտությունը: Ֆրանսիայի նախագահը նաև առաջարկել է վերանայել երկկողմ հարաբերությունների էությունը:
«Անհրաժեշտ է նոր մոտեցումների հիման վրա ջանքեր ներդնել երկու պետությունների միջև հարաբերությունների քաղաքական, տնտեսական և մշակութային ոլորտներում, ինչպես նաև տարածաշրջանային համագործակության ոլորտում»- հայտարարել է Մակրոնը:
Հետևեք մեզ տելեգրամում
