Թուրքիայի արտգործնախարար Մևլութ Չավուշօղլուն երկուշաբթի Թեհրանում կհանդիպի իր իրանցի գործընկեր Հոսեյն Ամիր Աբդոլլահիանի հետ, հայտնում է Mehr գործակալությունը։
«Թուրիքայի արտգործնախարար Մևլութ Չավուշօղլուն նոյմեբերի 15-ին պաշտոնական այցով մեկնելու է Թեհրան Իրանի ԱԳ ղեկավար Հոսեյն Աբդոլլահիանի հրավերով»,- ասված է Թուրքիայի ԱԳՆ-ի տարածած հայտարարության մեջ:
Նշվում է նաև, որ այցի ընթացքում քննարկվելու են երկկողմ հարաբերությունները, ինչպես նաև փոխանակվելու են տեսակետներ՝ տարածաշրջանային և միջազգային մի շարք հիմնախնդիրների վերաբերյալ:
Սա կլինի Չավուշօղլուի առաջին այցը Թեհրան այն բանից հետո, երբ Ամիր Աբդոլլահիանն Իրանի արտաքին գործերի նախարար է նշանակվել։
Նշենք, որ ավելի վաղ լիբանանյան լրատվամիջոցները հայտնել էին, որ Թուրքիայի արտգործնախարարը Թեհրան այցելելուց հետո հաջորդ շաբաթ կմեկնի Բեյրութ։
Հետևեք մեզ տելեգրամում
