Նոյեմբերի 16-ին անհայտ ԱԹՍ-ն ռմբակոծել է Սիրիայի Դեր Զորի նահանգի արևելյան մասում գտնվող Աբու Քամալ քաղաքը, որտեղ տեղակայված են իրանամետ ուժերը: Տուժածների մասին ոչինչ չի հաղորդվում, գրում է Մարդու իրավունքների սիրիական դիտարանը(SOHR):
SOHR-ի հաղորդմամբ՝ դեռևս մի քանի օր առաջ անհայտ երկու ԱԹՍ-ներ են թռչել Աբու Քամալ քաղաքի օդային տարածքով, որը գտնվում է իրանամետ ուժերի վերահսկողության ներքո: Խուսափելով թիրախավորվել՝ նոյեմբերի 12-ին իրանամետ ուժերը հեռացրել են իրենց դրոշները քաղաքի «մշակությաին կենտրոնից» և ռազմական շտաբերից, և դրանք փոխարինել միջազգայնորեն ճանաչված սիրիական դրոշով:
Իսկ ավելի վաղ՝ նոյեմբերի 10-ին SOHR-ը տեղեկացրել էր, որ իրանամետ 7 զինվորականներ են մահացել անհայտ ԱԹՍ-ների հարվածներից կրկին Աբու Քամալ քաղաքում:
Հետևեք մեզ տելեգրամում
