Հայաստանի և Ադրբեջանի սահմանին իրավիճակը շարունակում է լարված մնալ, հայտարարել է ՀԱՊԿ գլխավոր քարտուղար Ստանիսլավ Զասը ԱՊՀ անվտանգության խորհուրդների քարտուղարների 9-րդ հանդիպման ժամանակ։
«Ինչ վերաբերում է տարածաշրջանային անվտանգությանը և, մասնավորապես, ՀԱՊԿ պատասխանատվության գոտում դրա ապահովմանը, ապա ստիպված եմ արձանագրել, որ ՀԱՊԿ անդամ պետությունների համար ռազմական վտանգի մակարդակը չի նվազում: Դրա մասին է վկայում նաև դաշինքի երկրների զորախմբերի ընդլայնվող ներկայությունը, ինչպես նաև ռազմական ենթակառուցվածքի զարգացումը և ռազմական գործունեության ակտիվացումը մեր պետությունների արևմտյան սահմանների անմիջական հարևանությամբ»,– նշել է Զասը։
Հիշեցնենք, որ նոյեմբերի 16-ին ժամը 13։00-ի սահմանում ՀՀ արևելյան սահմանագոտում ադրբեջանական ԶՈւ ստորաբաժանումները հերթական սադրանքն են նախաձեռնել գնդակոծության ենթարկելով հայկական դիրքերը։ Այնուհետև սկսվել են տեղային մարտեր:
Հետևեք մեզ տելեգրամում
