The New York Times թերթը, վկայակոչելով ամերիկյան և իսրայելական պաշտոնական աղբյուրների, գրել է , որ սույն թվականի հոկտեմբերի 20-ին Իրանը Սիրիայի հարավում գտնվող Ալ-Թանֆ ռազմաբազային ԱԹՍ-ներով հարվածը էր հասցրել՝ ի պատասխան Իսրայելի ավիահարվածի:
Թերթը գրել է, որ հինգ անօդաչուներ են արձակվել ամերիկյան ռազմաբազայի ուղղությամբ, որից երկուսը պայթել են: Իսկ չպայթած անօդաչուների հետաքննությունը ցույց է տվել, որ դրանք կառուցված են եղել այն նույն տեխնոլոգիաներով, որոնք ԱԹՍ-ների արտադրության ժամանակ օգտագործում են Իրաքում տեղակայված իրանամետ ռազմական խմբավորումները:
The New York Times-ի հաղորդմամբ՝ ամերիկացի պաշտոնյաները վստահ են, որ Իրանը կազմակերպել էր կանխամտածված և համակարգված գրոհ: Ամերիկյան կողմը կորուստներ չի ունեցել, քանի որ ռազմաբազայի անձնակազմի մոտավորապես 200 մարդ մի քանի ժամ առաջ տարհանվել Էր պատրաստվող հարվածի մասին իսրայելական հետախուզությունից ստացված հաղորդագրությունից հետո:
Իրանը պաշտոնապես չի ստանձնել հարձակման պատասխանատվությունը, սակայն իրանական ԶԼՄ-ները գովաբանում էին գործողությունը, գրում է թերթը:
Նշենք, որ Ալ-Թանֆ ռազմաբազան կարևոր ռազմավարական դիրք է զբաղեցնում՝ գտնվելով Իրաքի և Հորդանանի հետ սահմանին: Այն հիմնվել է 2016 թվակակնին՝ պայքարելու ԻԼԻՊ-ի զինյալների դեմ, որոնք վերահսկում էին Սիրիայի՝ Իրաքի հետ սահմանակից արևելյան հատվածները: Ալ-Թանֆը ամերիկյան ռազմական ներկայության միակ ամենակարևոր դիրքն է:
Հետևեք մեզ տելեգրամում
