Դեկտեմբերի 6-ին Իսրայելը ավիահարվածներ է հասցրել Սիրիայի հյուսիս-արևելքում գտնվող Լաթաքիա նավահանգստին, հաղորդում է սիրիական SANA լրատվական գործակալությունը:
SANA-ն, հղում կատարելով տեղական ռազմական աղբյուրներին, մանրամասնել է, որ Իսրայելը մի քանի հրթիռներ է արձակել Միջերկրական ծովի ուղղությամբ՝ թիրախավորելով Լաթաքիայի առևտրային նավահանգստի կոնտեյներային տարածքը: Հարվածների արդյունքում բռնկվել է հրդեհ, սակայն տուժածներ չկան:
Նշենք, որ Լաթաքիան Սիրիայում գտնվող ռուսական զինված ուժերի համար կարևոր տարածք է, քանի որ դրա մոտակայքում է գտնվում Հմեյմիմի ռազմաօդային ռուսական բազան:
Ինչպես հաղորդում է Al Arabiya-ն, հատկանշական է, որ վերջին տարիներին Իսրայելը հարյուրավոր ավիահարվածներ է հասցրել Սիրիային՝ թիրախավորելով ինչպես վարչակարգի ուժերը, այնպես էլ իրանամետ խմբավորումներին և Հեզբոլլահի համակիրներին: Նոյեմբերի 24-ին Իսրայելը ռմբակոծել էր Հոմսը, որի հետևանքով սպանվել էին երկու խաղաղ բնակիչներ:
Հետևեք մեզ տելեգրամում
