Ադրբեջանի և Հայաստանի ղեկավարները հանդես են գալիս հանուն խաղաղության տարածաշրջանում: Շատ լավ հնարավորություն ունենք օգտվելու տարածաշրջանում ստեղծված նոր իրավիճակից։ Այս մասին «Իմեդի» հեռուստաալիքին տված հարցազրույցում ասել է Վրաստանի վարչապետ Իրակլի Ղարիբաշվիլին:
Ղարիբաշվիլին ընդգծել է, որ ջերմ և հուսալի հարաբերություններ ունի Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ։
«Այս տարի Վրաստանը կարևոր նախադեպ է ստեղծել տարածաշրջանում, և ես շատ ուրախ եմ, որ դա տեղի է ունեցել իմ միջնորդությամբ: Մենք ստեղծել ենք առաջին նախադեպը մեզ համար բարեկամ և հարևան երկու երկրի միջև»,- ասել է Ղարիբաշվիլին՝ պատասխանելով Ադրբեջանի կողմից 15 հայ ռազմագերիների Հայաստանին փոխանցելու գործընթացում Վրաստանի միջնորդական դերի մասին հարցին:
Անդրադառնալով Թուրքիային՝ Ղարիբաշվիլին հայտարարել է, որ այն շատ կարևոր խաղացող է տարածաշրջանում:
«Մենք բարեկամական և եղբայրական հարաբերություններ ունենք Թուրքիայի հետ»,- շեշտել է Վրաստանի վարչապետը։
Հետևեք մեզ տելեգրամում
