Ադրբեջանի խորհրդարանի երկու պատգամավոր ժամանել են Երևան՝ մասնակցելու Եվրանեսթ խորհրդարանական վեհաժողովի բյուրոյի և հանձնաժողովների նիստերին։ Այս մասին լրագրողներ հետ ճեպազրույցի ժամանակ հայտարարեց ՀՀ ԱԺ պատգամավոր, Եվրանեսթ խորհրդարանական վեհաժողովում հայկական պատվիրակության ղեկավար Մարիա Կարապետյանը, տեղեկացնում է «Արմենպրեսը»:
Նրա խոսքով` Երևան են ժամանել 2 ադրբեջանցի պատգամավոր և մեկ անձ, որը նրանց ուղեկցում է:
«Որքան հիշում եմ՝ մի պատգամավորն անկուսակցական է, մյուսը՝ «Նոր Ադրբեջան» կառավարող ուժի պատգամավորն է։ Ես դեռ իրենց չեմ տեսել, երկրները նման պատվիրակություններ ընդունում են, հիմա ռոտացիոն կարգով մեր հերթն է»,- ասել է Կարապետյանը:
Մարիա Կարապետյանը նշել է, որ ոչ մի ոչ ֆորմալ հանդիպում չի նախատեսվում և ադրբեջանցի պատգամավորները մամուլի հետ շփում չեն նախատեսում։
Հետևեք մեզ տելեգրամում
