Փետրվարի 22-ին Իրաքի խորհրդարանը հրապարակել է նախագահի թեկնածուների ցանկը, որոնց շարքում է նաև գործող նախագահ Բարհամ Սալիհը:
Ցանկը ներառում է 33 թեկնածուներ՝ այդ թվում Ռեբեր Բարզանին, ում թեկնածությունն առաջադրել է «Քուրդիստանի դեմոկրատական կուսակցությունը»:
Իրաքի խորհրդարանը նաև տեղեկացրել է, որ 59 քաղաքական գործիչներ են առաջադրվել նախագահի պաշտոնի համար, որոնցից 26-ի դիմումները պարբեր պատճառներով կասեցվել են:
Ուշագրավ է, որ վերջերս քրդական երկու կուսակցությունների միջև լարվածություն է նկատվում: Ավելի վաղ «Քուրդիստանի դեմոկրատական կուսակցությունը» ներկայացրել էր ֆինանսների նախկին նախարար Հոշայր Զեբարիի թեկնածությունը, որն Իրաքի դաշնային դատարանը մերժել էր: Մինչդեռ «Քուրդիստանի հայրենասիրական միություն» կուսակցությունն աջակցում է գործող նախագահ Բարհամ Սալիհի թեկնածությունը:
Հիշեցնենք, որ փետրվարի 7-ին Իրաքի խորհրդարանը նիստ էր գումարել գործող նախագահ Բարհամ Սալիհին երկրորդ անգամ նախագահ ընտրելու համար, սակայն պատգամավորների բոյկոտի պատճառով նիստը հետաձգվել էր։
Հետևեք մեզ տելեգրամում
